Arabako Eraldaketa Komunitariorako Bulegoaren aurkezpena - ekb-otc

Arabako Foru Aldundiak Eraldaketa Komunitarioko Bulegoa (EKB) jarri du martxan, lurralde osoan komunitate energetikoen sorrera eta garapena sustatzeko helburuarekin. Ekimen honen helburua da energia-eredu jasangarriago eta eraginkorrago baterako trantsizioa bultzatzea, autokontsumoa eta herritarren parte-hartze aktiboa sustatuz energia berriztagarrien sorkuntzan eta kudeaketan.

EKB-ren zerbitzuak

Arabako EKB-k doako hainbat zerbitzu eskaintzen dizkie hainbat kolektibori, hala nola herritarrei, elkarteei, enpresa txiki eta ertainei, pertsona autonomoei eta tokiko erakunde txikiei. Hauek dira haren jarduera-eremu nagusiak:

• Hedapena: Formazio ikastaroak, sentsibilizazio jardunaldiak eta energia-komunitateen eraketa eta funtzionamenduari buruzko tailerrak antolatzen dira. Jarduera horiek energia berriztagarrien aukerei eta onurei buruzko informazioa eta trebakuntza emateko diseinatuta daude.
• Laguntza: Bulegoak laguntza teknikoa ematen du autokontsumo energetikoarekin lotutako proiektuak dinamizatzeko eta ahalduntzeko, ekimenen potentziala ebaluatuz eta prozesu horietan herritarren parte-hartzea sustatuz.
• Aholkularitza: Leiho bakar baten bidez, aholkularitza teknikoa, administratiboa, juridikoa, soziala, ekonomikoa eta finantzarioa eskaintzen da, energia-komunitateak sortzeko eta kudeatzeko beharrezkoak diren tramite guztiak errazteko.

Arabako EKB ibiltaria da, beraz, egunero kokapen batean egongo da, eta horrela Arabako kuadrilla eta udalerri ezberdinak zeharkatuko ditu bere zerbitzuak herritar guztiengana gerturatzeko, energia-komunitateak martxan jartzeari buruzko informazioa eta aholkuak emateko asmoz.

EKB sortzea Europako Next Generation funtsek finantzatutako ekintzen parte da, 430.400 euroko inbertsioarekin, Suspertze, Transformazio eta Erresilientzia Planaren barruan.

Arabako Foru Aldundiak interesa duten pertsona guztiei gonbidatzen die EKB-k programatutako jardueretan parte hartzera eta bulegoak etorkizun jasangarriago eta autonomoago bat bilakatzeko eskaintzen dituzten energia-komunitateen inguruko informazio eskatzera.